Mən Dr. Ruslan Məmmədov, Ərəb dili və ədəbiyyatı üzrə mütəxəssisəm. Marmara Universitetinin İƏrəb dili və bəlağəti sahəsində doktorantura təhsili almışam.

Bundan əvvəl İstanbul Aydın Universitetində Ərəb dili təhsili üzrə magistratura, Bakı Dövlət Universitetində isə bakalavr təhsili almışam. Ərəb dili üzrə həm akademik, həm də praktik biliklərə sahibəm.

Ərəb dilinin qrammatikası, mətn oxuma və təhlili, tərcümə, ərəb ədəbiyyatı və klassik ərəb dili üzrə ixtisaslaşmışam. Dərslər zamanı mövzuları sistemli və aydın şəkildə izah etməyə, tələbənin səviyyəsinə və məqsədinə uyğun fərdi proqram qurmağa üstünlük verirəm.

Onlayn dərslər zamanı əsas məqsədim tələbəyə Ərəb dilini sadəcə əzbərlətmək deyil, onun dilin qrammatik və məntiqi sistemini başa düşməsinə və müstəqil şəkildə istifadə edə bilməsinə kömək etməkdir.